Muqdisho ( Sh. M. Network )-Warar dheeraad ah ayaa ka soo baxaya qaraxyo illaa 3 gaaraya iyo warar toos ah oo Xalay siyaabo kala duwan uga dhacay M/ Muqdisho.

Qaraxa ugu khasaaraha badnaa ayaa la sheegay in uu ka dhacay nawaaxiga Isgoyska Jubba ee M/ Muqdisho, kaas oo ku qarxay meel wax yar u jirta Hotel Dorbin.

Waxaana lagu soo warramayaa in waxyeelada ugu badan qaraxaasi ay ka soo gaartay dad shab ah.

Sidoo kale laba qarax oo loo adeegsaday Gawaari laga soo buuxiyay walxaha qarxa iyo weerar toos ah ayaa ka dhacay nawaaxiga xarunta madaxtooyada ee Villa Soomaaliya.

Waxaana la sheegay in halkaasi uu ka dhacay weerar toos ah oo u dhaxeeyay Rag hubeysan oo gaaraya illaa 5 iyo Ciidamada Dowladda Soomaaliya, kaas oo uu ka dhashay khasaaro kala duwan.

Inta la xaqiijiyay waxaa qaraxyadaasi ku dhintay dad kor u dhaafaya 25 Qof oo ay ku jiraan Askar ka tirsan Ciidamada dowladda Soomaaliya.

Wasiirka amniga Soomaaliya Maxamed Abuukar Islaaw “Ducaale” oo la hadlay Warbaahinta ayaa faah faahin ka bixiyay qaraxyadaasi.

Waxaana uu sheegay in Ciidamada DFS ay Toogteen illaa 5 ka mid ah Raggii soo qaaday weerarkaasi.

Al Shabaab oo sheegtay masuuliyadda qaraxyadan ayaa ku baahiyay barahooda Internet-ka in ay la beegsadeen xarumo muhiim ah oo ay ku sugnaayeen mas’uuliyiin ka tirsan Dowladda Federaalka Soomaaliya.

Warka ka soo baxay Al Shabaab laguma shaacin Magacyada xubnaha ay ku dileen qaraxyadaasi

Halkan hoose ka dhageyso Codka Wasiirka Amniga.