Baladweyne ( Sh. M. Network )- Xarakada Al Shabaab ayaa sheegatay in gelinkii dambe ee Maanta ay la wareegtay Deegaanka Ceel Cadde oo 70 KM u jiro Magaalada Baladweyne ee Xarunta Gobolka Hiiraan.

Warbaahinta Al-Shabaab ayaa baahisay in Ciidamadooda ay Dagaal kula wareegeen Deegaanka Ceel Cadde ayna Khasaaro gaarsiiyeen Ciidama Liyuu Boolis ah oo ay sheegan in halkaasi ay ku sugnaayeen.

Warka Al Shabaab ay soo saareen ayaa intaa ku daraya in Dagaalka uu saacado socday  Hubna ay ka furteen Ciidamada ay kala wareegeen Dagaankaasi.

Marka laga soo tago Warkan kasoo yeeray Al Shabaab Ma jiro wax war ah oo kasoo baxay Maamulka Gobolka Hiiraan iyo Saraakiisha Ciidamada Dowladda ee Gobolkaasi.