Caaado (Sh M Network)—Kulan Xildhibaanada Baarlamaanka Maamulkja Galmudug ay ku yeesheen Magaalada Cadaado ayaa waxey ku meelmariyeen miisaaniyada 2017.

Kulankan ayaa waxaa soo xaaditay 50 Mudane oo ka mid ah Xildhibaanada Baarlamaanka Maamulka Galmudug, waxaan 46 Mudane ay u codeeyeen miisaaniyada 2017, halka 3 Xildhibaan ay diideen, waxaana ka aamusay hal Xildhibaan.

Guddoomiyaha Baarlamaanka Maamulka Galmudug, Cali Gacal Casir ayaa waxuu sheegay in miisaaniyada maaliyada 2017 la meelmariyay kadib markii Wasaarada Maaliyada ay soo gudbisay.

“Waxaa cod aqlabiyad leh lagu meelmariyay miisaaniyada maaliyada 2017-ka ee Maamulka Galmudug”, sidaasi waxaa yiri Guddoonka Baarlamaanka, Cali Gacal Casir.

Shalay ayee aheyd markii Xildhibaanada Baarlamaanka Maamulka Galmudug ay asixiyeen Golaha Wasiirada cusub ee uu soo magacaabay Madaxweynaha Maamulka Galmudug.