Garoowe ( Sh. M. M. Network )-Xildhibaanada Baarlamaanka Puntland ayaa goor dhow madaxweynaha cusub ee maamulkaasi u doortay Saciid Cabdullahi (Deni), kadib doorasho ka dhacday magaalada Garoowe ee xarunta gobolka Nugaal.

Saciid Deni ayaa helay 35 Cod ,kaas oo wareegii saddexaad la tartamay General Asad  Cismaan C/laahi (Diano) oo helay 31 Cod.

Sidoo kale waxaa wareega labaad ku haray Faarax Cali Shire oo helay 7 Cod, halka dhammaan Musharraxiinta kalena ay ku hareen wareegii koowaad ee doorashadaasi.

Guddoomiyaha golaha wakiillada Puntland C/xakiin Maxamed Axmed (Dhoobo) ayaa ku dhawaaqay in madaxweynaha cusub ee maamulkaasi uu yahay Saciid C/laahi Deni.

Madaxweynaha la doortay oo ah kii shanaad ee Puntland ayaa maamulkaasi hoggaamin doono illaa iyo 2023-ka.