London  ( Sh.M.Network)-Aqalka Barlamanka Ingiriiska ayaa si diiraan u soo dhaweeyay doorashadii todobaadkani ka dhacday deegaanada Maamulka Soomaaliland waxa ayna ku tilmaameen mid u qabsoontay qaab dimuqraadi ah.

Sidoo kale Aqalka ayaa  uga Mahad celiyay muwaadiniinta iyo musharixiinta  reer Soomaaliland kala dambaynta iyo biseylka Nabadda oo ay muujiyeen intii doorashadu socatay,

Sidoo kale Baarlamanka ayaa sheegay in Uk ay maalgalisay Kor joogayaasha Caalamiga ah ee doorashada Soomaalind iyagoona Beesha caalamka ugu baaqay in Soomaaliland laga taageero horumarinta Dhaqaalaha, Ganacsiga iyo weliba sidii Soomaaliland Caalamku u Aqoonsan lahaa.

Shacabka reer  Soomaalinad ayaa 13 kii bishani  u dareeray  codeynta doorashada Madaxweynaha Soomaaliland oo ay ku tartamayaan 3 Xisbi oo kala ah Kulmiye, Ucid, iyo Wadani,

Dhawaan ayaana la filayaa in si rasmi ah loo shaaciyo cidda ku guuleysatay Hoggaanka Maamulkaasi Soomaaliland.