Nairobi ( Sh. M. Network )-Milateriga dalka Kenya ayaa beeniyay eedeymo loo jeediyay oo ku aadan in ay si weyn ugu lug leeyihiin dhuxul si sharci darro looga dhoofiyo DekEdda magaalada Kismaayo ee gobolka Jubadda Hoose

Afhayeenka ciidamada mIlateriga Kenya Col David Obonyo ayaa Wargeyska Business Daily u sheegay in Ciidamadooda aysan qeyb ka ahayn ilaalinta Dekadda magaalada kismaayo.

Mr Obonyo ayaa xusay in uu arkay Sawirro lagu soo dhigay baraha bulshada oo muujinayo dhuxul laga dhoofinayo Dekedda weyn ee Kismaayo, isagoo intaasi ku daray in ay jiraan siyaasiyiin ka soo jeeda magaaladaasi oo soo qaadanaya Sawirro hore.

Afhayeenka Ciidamada milateriga Kenya David Obonyo ayaa sheegay in Ciidamadooda ku sugan magaalada Kismaayo ay ka howl galaan Garoonka diyaaradaha ee magaaladaasi, si ay u sugaan amniga Garoonkaasi.

Warbixin ay hore u soo saartay Qaramada Midoobay ayey Ciidamada Kenya ku eedeeysay in ay ku lug leeyihiin dhuxul si sharci darro ah looga dhoofiyo Dekedda magaalada Kismaanyo.

Inta badan Ciidamada Kenya ee qeybta ka ah howlgalka AMISOM ee Soomaaliya ayaa iska fogeeya eedeeymaha la xiriira dhuxusha laga dhoofiyo magaalada Kismaanyo iyo weliba Sonkor ka soo degto Dekaddaasi oo si qarsoodi ah loo geliyo gudaha Kenya