Gaalkacyo ( Sh. M. Network )-Ciidamada ammaanka ee Maamulka Puntland ayaa howlgallo maanta ballaaran ka sameeyay Waqooyiga Magaalada Gaalkacyo ee xarunta Gobolka Mudug.

Howlgalladan oo ahaa kuwa lagu xaqiijinayo ammaanka ayaa si gaar ah ciidamadu waxa ay uga sameeyeen Xaafadaha Israac iyo Garsoor ee Waqooyiga Magaaladaasi Gaalkacyo.

Wasiirka Amniga Puntland Axmed C/laahi Yuusuf “Dowlad” oo la hadlay warbaahinta ayaa sheegay in ay adkeyn doonaan ammaanka deegaanada Maamulkaasi, si looga hortago wax kasato oo khatar ku ah amniga Puntland.

Waxaana uu tilmaamay in heegan buuxo la galiyay ciidamada Puntland, si ay u xasiliyaan amniga Gaalkacyo iyo guud ahaan deegaanada Maamulkaasi.

Howlgalladan ayaa ku soo aadaya, xilli dhawaan Al Shabaab ay weerar xoogan ku qaadeen Bar Control oo ay ciidanka Puntland ku leeyhiin Magaalada Boosaaso ee xarunta Gobolka Bari, halkaas oo ay ku dileen Askar ka tirsanaa Maamulkaasi.