Wajeer ( Sh. M. Network):-Wararka laga helayo degmada Wajeer ee Gobolka Waqooyi Bari  ayaa sheegaya in dagaalyahanno Hubeysan oo ka tirsan Al Shabaab ay weerar xoogan ku qaadeen Saldhig Ciidamada Booliska Kenya ku leeyihiin deegaan hoostaga degmadaasi Wajeer.

Waxaana Saraakiil ka tirsan Booliska Kenya ay sheegeen in Al Shabaab ay dhowr jiho ka soo weerareen Saldhigaasi iyadoona halkaas ay Rasaas xoogan isku weedaarsadeen Ciidamada dalka Kenya iyo weliba Dagaalyahanada Al Shabaab.

Ma cadda Khasaaraha rasmiga ah ee ka dhashay weerarkaasi ka dhacay deegaanka Batula ee hoostaga degmada Wajeer ee Gobolka Waqooyi Bari.