Muqdisho ( Sh.M.Network)-Kooxo Hubeysan ayaa Caawa weeraray Kontarool Ciidamada Ammaanka dowladda Federaalka Soomaaliya ay ku leeyihiin Xaafadda Ceymiska ee degmada Yaaqshid.

Wararka ayaa sheegaya in weerarka oo ku bilowday Hub Daryankiisa uu aad u xoogan yahay ayna xigeen Rasaasta daran dooriga u dhacda  lagu qaaday Kontarool ay Ciidamada Xasilinta Caasimadda ay ku leeyihiin Xaafadda Ceymiska ee degmada Yaaqshid.

Dadka deegaanka ayaa sheegay in weerarkaasi uu ka dhashay dagaal fool ka fool ah oo  dhexmaray Ciidamada Kontaroolka la weeraray ku sugnaa iyo Kooxaha weerarka halkaas ku soo qaaday.

Ma jirto cid sheegatay Masuuliyadda weerarkaasi hase ahaatee Al Shabaab ayaa horay weeraro la beegsaday fariisimo Ciidamada dowladdu ku sugan yihiin.

Sidoo kale lama oga Khasaaraha ka dhashay weerarkaasi iyo dagaalka xigay xilliga oo habeen ahayd aawgeed.

Wixii ku soo kordha kala soco Radioshabelle.com.