Taliska Mareykanka ee qaarada Afrika (AFRICOM) ayaa waxuu sheegay in Weerar dhanka cirka ahaa ay ku beegsadeen Xubno ka mid ah Xarakada Al Shabaab.

Bayaanka Taliska AFRICOM ayaa lagu xusay in duqeyntan ay ka dhacday Degaan hoostaga Gobolka Baay, oo qiyaas ahaan 100km dhanka Galbeed uga beegan Magaalada Muqdisho.

Waxaa Bayaanka Mareykanka lagu qeexay in duqeynta lagu dilay dhowr Dagaal yahan oo ka mid ahaa Xarakada Al Shabaab.

Mareykanka ayaa sidan oo kale todobaadkii la soo dhaafay waxaa weerar dhanka cirka ahaa ay uga fuliyeen Duleedka Degmada Qandala ee Gobolka Bari.

Mareykanka ayaa waxuu u muuqdaa in uu kordhiyay howlgallada ka dhanka ah Xarakada Al Shabaab oo Dagaal kula jirta Dowladda Federaalka Soomaaliya.

Ilaa iyo hada majiro wax hadal ah oo ka soo baxay Xarakada Al Shabaab oo ku aadan weerarka dhanka cirka ahaa ee lagu beegsaday Xubno ka tirsan Xarakada.