Muqdisho ( Sh. M. Network )-Safiirka Dowladda Soomaaliya u fadhiya dalka Cumaan C/risaaq Faarax Cali oo warramayay laanta Afka Soomaaliga ee VOA-da ayaa sheegay in maanta Garoonka magaalad Muqdisho laga soo dajinayo ku dhawaad 80 maxaabiis Soomaali ah kuwaasi oo ku xirnaa dalka Hindiya.

Waxaana uu tilmaamay Safiirku in Maxabiistaasi ay u xirnaayeen falal la xariira Burcadbadeednimo.

Sidoo kale Safiirka ayaa intaasi ki daray in ay fududeysay arrintani heshiiskii Dowladaha Soomaaliya iyo Hindiya ee Maxaabiis is weedarsiga u qeeb ka yahay.

Dowladda Soomaaliya ayaa horay ugu guuleysatay in ay soo deyso maxaabiis badan oo ku jirtay xabsiyo ku yaalla Dalalka Itoobiya, India, Liibiya iyo Jaziiradda Seychelles wadamadaasi oo dhibaatooyin kala duwan ay ku heyteen dhalinyradaasi.