Dhuusamareeb ( Sh. M. Network )-Waxaa maanta Magaalada Dhuusamareeb ee xarunta Gobolka Galgaduud gaaray wafdi ka socday QM, kuwaasi oo ka dagay Garoonka diyaaradaha Ugaas Nuur ee Magaaladaasi.

Waxaana halkaas si diiran ugu soo dhaweeyay madaxda maamulka Ahlu Sunna Waljamaaca iyo qeybaha kala duwan ee bulshada ku dhaqan Magaalada Dhuusamareeb.

Wafdiga ayaa ka socday hay’ado dhowr ah oo QM hoostaga sida WFB iyo UNICEF, waxaana ay kulan gaar ah ay la qaateen hoogaamiyaha Ahlu Sunna Sheekh Axmed Shaakir, kaas oo diirada lagu saaray arrimaha abaaraha ee ka jira deegaanadaasi.

Sidoo kale xubanaha wafdiga ayaa qiimeyn guud waxa ay ku sameeyeen Xaaladaha Nolosha iyo Amniga ee ka jira Magaaladaasi.

Magaalada Dhuusamareeb iyo deegaanada hoosyimaada ee Gobolkaasi Galgaduud ayaa weli waxaa ka jira dhibaatooyin dhinaca nolosha ah oo ay sababtay abaarta ka jirta qeybo ka mid ah Dalka.