Boosaaso ( Sh.M.Network)-Wararka laga helayo Magaalada Boosaaso ee Gobolka Bari ayaa sheegaya in Goor dhow lagu dilay Magaaladaasi Taliye ku xigeenkii Saldhiga Boosaaso oo lagu Magacaabi jiray Cabdi Dheere.

Falkaan ayaa la sheegay in ay geysteen Rag ku hubeysnaa Bastoolada xilli Taliye ku xigeenkaasi uu ku sugnaa Bartamaha Magaalada Boosaaso.

Waxaana halka wax ka dhaceen isaga baxsaday Dableyda falka geysatay walow Ciidamada Ammaanka Magaalada Boosaaso ee Maamulka Puntland ay halkaas baaritaanno xoogan ka wadaan.

Muddooyinkii dambe ayaa waxaa dhibaatooyin Amni xumi oo u badan falal Dilal ah ay ka dhacayeen gudaha Magaalada Boosaaso.

Saaka ayey ahayd markii Askari ka tirsanaa Ciidamada Maamulka Puntland lagu toogtay Bariga Magaaladaasi Boosaaso , iyadoona dilkaas ay Masuuliyaddiisa sheegteen Xarakada Al Shabaab.