Wararkii ugu danbeeyey ee Qaraxyadii ka dhacay Magaalada Muqdisho ayaa sheegaya in qasaaro badan ay ka dhasheen labada qarax oo loo adeegsaday gaari laga soo buuxiyey waxyaabaha qarxa kuwaasi oo ka dhacay nawaaxiga Hotelka Naasa hablood ee Muqdisho.

In ka badan 10 ruux ayaa ku geeriyootay halka tiro intaa ka badan la dhigay isbitaalada Magaalada Muqdisho inkastoo aan si rasmi ah loo shaacin Karin qasaarihii ka dhashay weerarada qaraxda loo adeegsaday.

Wararka ayaa intaa waxaa ay ku darayaan in rag hubeysan oo ka tirsan Alshabab qaraxyada ka dib ay galeen gudaha Hoteelka Naasa Hablood laba halkaasi oo ay kula dagaalameen Ciidamada Dowlada Soomaaliya.

Saraakiisha Amniga dowlada ayaa sheegay in la soo afjaray howgal ciidamada dowlada ay sameeyeen xalay gudaha hoteelka Naasa hablood islamarkaana la soo badbaadiyey dad badan ma jirto cid si faahfaahsan kaga hadashay Weeraradaasi.

Madoobe Nuunow oo Wasiir ka ahaa Dowladd goboleedka koonfur Gableed, Col. Maxamed Yuusuf Nuur (Fanax) oo ahaa taliyihii ciidamada booliska degmada Dayniile, iyo Ex- Xildhibaan Cabdi Naasir Gaarane ayaa la sheegay in ay dhinteen halka sidoo kale Xildhibaan Maxamed Colaad cabdi oo ka tirsan Barlamaanka hir shabelle uu ku dhaawacmay.