Muqdisho ( Sh. M. Network )-Waxaa xalay tartan aqooneedka Shabelle ku loomay degmooyinka Warta Nabadda iyo Dharkenley ee gobolka Banaadir.

Labada degmo oo ku wada jira Group-ka D ayaa xalay ku kulmay is araga 3-aad wareega koobad ee tartanka bisha barakeysan ee Ramadaan.

Warta Nabadda iyo Dharkenley ayaa soo bandhigay tartan xiiso badan, Waxaana labada degmo ay wada galeen bar bar dhac, iyagoona kala keensaday mid 8 dhibcood, sida uu natiijada ku dhawaaqay guddoomiyaha guddiga tartanka Maxamed Axmed Jimcaale.

Balse waxaa tartanka gabi ahaan isaga hartay degmada Dharkenley oo 1 dhibic la heyd, taas oo kulamadii hore laga soo badiyay.

Caawa waxaa tartanka bisha barakeysan ee Ramadaan ku ballasan degmooyinka Shangaani iyo Xamarjajab oo ku wada jira Group-ka D ee tartanka.

Taaba gelinta sanadkan tartan aqooneedka faca weyne ee Shabakadda Warbaahinta Shabelle waa Jaamacadda  caalamiga ah ee Jobkey.