Muqdisho (Sh.M.Network) – Wasiirka Shaqaalaha ee xukuumadda Soomaaliya, Saalax Axmed Jaamac, ayaa maanta la kulmay Gudoomiyaha gobolka Banaadir, ahna Duqa Muqdisho, Cabdiraxmaan Cumar Cusmaan [Eng Yariisow].

Mas’uuliyiinta ayaa waxay kawada hadleen diiwaan-gelinta shaqaalaha oo uu bilaabay gobolka iyo sidii loo waafujin lahaa hanaanka xukuumada ee shaqaalaha dowladda oo ku dhisan inay helaan xuquuqdooda.

Wasiir Saalax oo kulanka kadib la hadlay warbaahinta wuxuu ka dhawaajiyay in maamulka gobolka Banaadir uu umadax banaan shaqaalaysiinta, isaga oo kaga mahad-celiyay wadashaynta dhow oo ay leeyihiin.

Gudoomiye Eng Yariisow ayaa dhinaciisa shaaciyay in hadafka ay ka leeyihiin diiwaan-gelinta shaqaalaha ay qayb ka tahay isla-xisaabtanka iyo sidii ay ku go’aan lahaayeen in howladeeda ay shacabka ufidiyaan adeegyadii ay uga baahnaayeen.