Muqdisho ( Sh. M. Network )-Allaha u naxariistee waxaa maanta magaalada Muqdisho lagu aasay, gaar ahaan Qabuuro ku yaalla Isbitaalka Madiina wasiiru dowlihii wasaaradda amniga Koonfur Galbeed C/qaadir Cabdiraxmaan Cali iyo Xildhibaan Axmed Cabdi Faarax oo ka tirsanaa Baarlamaanka Hirshabelle, kuwaas Shalay ku Geeriyooday qarax ka dhacay gobolka Sh/ Hoose.

Waxaana Aaska ka qeyb galay mas’uuliyiin ka kala tirsan DFS, maamullada Koonfur Galbeed, Hirshabelle iyo Ehellada Marxuumiinta.

Xildhibaan Daahir Amiin Jeesow oo ka mid ah Xildhibaanada ka qeyb galay Aaska ayaa ka warbixiyay.

Waxaana uu ugu horreyn ka Tacsiyeeyay Xildhibaan Jeesow Geerida ku timid mas’uuliyintaasi.

Al Shabaab ayaa sheegatay masuuliyadda qaraxa lagu dilay mas’uuliyintaasi, kaas oo Shalay gelinkii dambe ka dhacay nawaaxiga GarooNka Balidoogle ee G/ Shabeelaha Hoose.

Waxaana Al Shabaab muddooyinkii dambe ay kordhiyeen qaraxyada iyo weerarada dhaba galka ah ee ay ka fuliyaan gobolkaasi.