Muqdisho ( Sh. M. Network )-C/raxmaan Daahir Cismaan Wasiirka Wasaaradda Waxbarashada XFS oo maanta Warbaahinta kula hadlay M/ Muqdisho ayaa shaaciyay tirada guud ee Ardayda ka qeyb galeysa Imtixaanaadka Qaran ee Dugsiyada sare oo ay Sanadkan qaadeyso Dowladda Soomaaliya.

Waxa uu sheegay in ay gaarayaan Ardayda Sanadkan u fariisanaya Imtixaanaadkaasi 27, 600 oo Arday, kuwaas oo Imtixaanaadka ku gali doona in ka badan 120 Xarumood oo ku yaalla gudaha dalka.

Ardayda ku sugan deegaanada Maamulka Puntland ayaa la sheegay in aysan qeyb ka aheyn Imtixaanaadkaasi.

Sidoo kale Wasiirka Waxbarashada Soomaaliya C/raxmaan Daahir Cismaan ayaa  tilmaamay in 1400 oo Arday oo ku sugan Baladweyne aysan qeyb ka aheyn Imtixaanaadkaasi, sababo la xariira arrimaha Fatahaadaha ee ka jira magaaladaasi.

Halkan hoose ka dhageyso Codka.